НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Блесок: Промоција на “Пресуда” од Џабир Дерала

0
By Нова ТВ on March 23, 2015 КУЛТУРА
СПОДЕЛИ
Facebook Twitter LinkedIn Email

Културната установа Блесок ќе ја промовира поемата „Пресуда“ од Џабир Дерала на 25 март, во МКЦ Клуб ресторан, со почеток во 21 часот. На промоцијата ќе настапат авторот на поемата Џабир Дерала и Мирослав Стојановиќ – Шуки кој е автор на илустрациите за корицата и на внатрешните страници на книгата. Тие ќе настапат со перформанс кој е дел од нивниот мултимедијален проект Криптохроматик.

На промоцијата ќе настапи и актерката Кристина Леловац со свој перформанс со стихови од книгата, а ќе говори и проминентната проф. Катерина Колозова.

„Пресуда“ е последниот издавачки проект на поетот, писателот и основачот на Културната установа Блесок Игор Исаковски, кој почина непосредно пред закажаната промоција на „Пресуда“ во декември. Оваа промоција воедно претставува и настан во негова чест и порака дека неговото дело ќе продолжи преку Блесок во кој авторот Исаковски вложи толку многу труд и креативност.

„Пресуда“ е поетско остварување на Џабир Дерала во издание на „Блесок“, триесет и петти наслов од едицијата „Бореа“. Се работи за поема која авторот Дерала ја пишува цели две години (1991-1992), а финалниот облик ѝ го дава во 2014 година. Поемата е објавена во книга од 80 страници, илустрирана со слики и цртежи на мултимедијалниот уметник Мирослав Стојановиќ – Шуки.

Проектот Криптохроматик сè уште е тајна, но еден дел од него ќе ѝ биде откриен на скопската публика на 25 март во Клубот МКЦ. Тогаш, дел од стиховите на поемата ќе бидат претопени во мултимедијалниот перформанс на тандемот Дерала – Стојановиќ.

„Пресуда од Џабир Дерала е силна поема која ја допира темата за потрагата на идентитетот во единката, судирот на поединецот со светот околу себе, а сето тоа во едно пред-митолошко време во кое личностите се жртвуваат за некое божемно добро на колективот. Горчливо, но таквата состојба ја сведочиме и ден-денес, во нашето и во сите други општества“, изјави Игор Исаковски, првиот човек на културната установа „Блесок“ во декември 2014 година.

Проф. д-р Катарина Колозова за ова дело пишува: „Пресуда е веројатно најдрамската и најфилософската поема на македонски што сум ја прочитала. Длабоката ерудиција од областа на трагичката структура на текст и метрика се пресликува во речиси метричкиот стих на Дерала. После преводите на Михаил Петрушевски, македонскиот јазик никогаш не звучел така возбудливо како во стиховите на Пресуда“.

Авторот е активист за човекови права, атеист, мултимедијален уметник, писател, поет, колумнист, сценарист, издавач, продуцент. Основач е на Цивил, организација за човекови права и слободи.

Share. Facebook Twitter LinkedIn Email
ТИКЕР

69-мина мигранти загинаа во бродолом кај Мавританија

August 29, 2025

Академски пленум: Вучиќ креира паралелно здружение „Професори 2.0“

August 29, 2025

Студентите во блокада во Србија им се придружуваат на матурантите на протестот закажан за 1-ви септември

August 29, 2025

„Форд“ повлекува половина милион возила поради проблеми со сопирачките

August 29, 2025

Познатиот шпански режисер Алмодовар ја повика шпанската влада да ги прекине односите со Израел

August 28, 2025
ФОКУС

Голем воздушен напад врз Кијив – јавено за  најмалку 14 загинати

ВЕСТИ August 28, 2025

Русија истрела стотици дронови и ракети кон цели ширум Украина, уништувајќи станбени блокови и домови…

Израелската војска уби новинари засолнети во болница во Газа

August 25, 2025

Кијив: Украина денеска ја одбележува својата независност

August 24, 2025

Украински напад со беспилотни летала врз Санкт Петербург

August 24, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.