Македонските власти по барање на Основното јавно обвинителство за организиран криминал ги блокирало сметките на сопственикот на Диамед Македонија, Ристо Новачевски, кумот на екс премиерот Никола Груевски кој ги имаше приватизирано деветте центри за дијализа во државата, и сметката на Вера Иванова која се води за официјален сопственик, дознава НОВА од високи извори.
Нашите извори велат дека речиси 11 милиони евра, пари добиени од продажбата на фирмата Диамед Македонија биле префрлени во Монако, по што македонските надлежни институции ја замрзнале сметката на сопственикот за 11 милиони евра.
Фирмата Диамед Македонија ја купи Дијаверум кој со центрите за дијализа ќе оперира до 2034 година. Како што и официјално се изјаснија на почетокот на месецот Вера Иванова која што беше официјален сопственик на Дијамед Македонија, останува да менаџира со Дијаверум.
Во ФЗОМ од каде ги добиваат парите за здравстените услуги не сакаа да коментираат, но велат дека дијализата се одвива нормално и нема причина за загриженост кај пациентите. Официјална потврда за блокираната сметка од УЈП се уште нема.
Диамед Македонија започна да стопанисува со девет центри за дијализа во 2010 година, кога го доби тендерот на 20 години. Останатите центри за дијализа ги доби фирмата на Орце Камчев. Парите за направената дијализа ги добиваат од ФЗОМ.