Флојд Мејведер против Конор Мекгрегор во борба на столетието. Соочувањето меѓу Американецот, кој е еден од најдобрите боксери на денешницата, и Ирецот, кој е двократен првак во УФЦ, веќе наголемо го најавуваат британските медиуми. Според нив, мечот ќе се одржи на 10 јуни во Лас Вегас.
За несекојдневната пресметка на боксерскиот и ММА борецот се шпекулира со месеци и истата би можела да вреди 100 милиони долари. Мејведер, наводно, би требал да добие поголем дел од финансискиот колач, а Мекгрегор би морал да го подели својот дел со УФЦ што претставувало проблем во преговорите.
Тоа е причина поради која сè уште отсуствува официјална потврда од двата табора за борбата планирана на лето која би требала да се одржи по боксерски правила.
Мејведер се повлече од активниот бокс во 2015 година. Се пензионира како непоразен првак во пет тежински категории во 49 меча. Мекгрегор, пак, има биланс од 21 победа и три порази во октагонот, беше шампион во две УФЦ верзии и важи за најдобар ММА борец.