Поради поврзаност со експлозијата на плоштадот Јелачиќ, одреден е притвор од осум дена за шест осомничени. Началникот на загребската полиција Горан Бурушиќ изјави дека мотив за нападот е „луда индивидуална идеја на луѓе кои не знаат што со себе.”
Еден месец притвор во истражниот затвор за шестте момчиња кои минатата недела активираа експлозив на централниот загребски плоштад Јелачиќ, одлучи истражниот судија на загребскиот општински суд.
Во пресрет на истрагата и приведувањето на шестте осомничени во Петок, претставниците на загребската полиција изјавија дека мотивот за нападот е привлекување на вниманието кон себе и тоа што „осомничените не знаат што со себе.”
Пред активирањето на експлозивот во Среда наутро, еден од осомничените го чувал експлозивот еден месец во својот стан во Загреб. Максимална казна за кривично дело загрозување на безбедноста на луѓе и имот, е пет години.
Началникот на полицијата Горан Бурушиќ потврди дека еден од осомничените сам се пријавил во полиција, но дека во истрагата помогнале и камерите поставени на плоштадот како и оние на зградите во околината.
Еден од осомничените е приведен на граничниот премин со БиХ, двајца од осомничените се уапсени во Загреб, а тројца на подрачјето на Шибенската жупанија.
Некои од нив се веќе евидентирани во полицијата. Освен материјална штета, нема повредени.