Родителите на децата со посебни потреби денеска на Плоштадот Македонија собираа граѓански потписи кои ќе ги достават до Собранието со иницијатива за законски промени и дополнувања. Тие велат дека потписите ќе им служат како потсетник на политичарите што ветиле, а што исполниле.
-Овие потписи кои се надеваме дека до следното собирање на родителите, ќе ја достигнат бројката од 10.000 и тие ќе послужат на сите коишто ветиле нешто на овие лица дека во догледно време треба нешто да се исполни. До крајот на денот ќе се објави точен распоред на кои локации и во кои градови во Македонија и кога ќе бидат отворани книгите за потписи, вели Даниела Мирческа.
Меѓу оние кои денеска се потпишаа има и универзитетски професори, активисти и граѓани кои ги поддржуваат родителите сметаат дека не институциите не требало да ги остават родителите до степен да кампуваат за она што според нив им следува.
Претходните три дена додека кампуваа во паркот „Жена борец“ средби имаа со политичарите и од законодавната и од извршната власт. Пратениците од СДСМ, ги посетија родителите во кампот, разговараа за нивните проблеми и ја потпишаа петицијата. Пратениците од ВМРО-ДПМНЕ пак ги повикаа на разговор во своите кабинети.
Тие со своите деца, три дена симболично кампуваа во паркот Жена Борец. а бараат измени на закони и подзаконски акти, со кои на децата ќе им се овозможи соодветна здравствена и социјална заштита.
Родителите најавија дека и следниот месец ќе кампуваат по три дена се до исполнување на барањата.