НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Борел: Ако победи Русија, ќе оди кон следната цел

0
By Ана Василевска on November 28, 2022 ВЕСТИ, ВОЈНА ВО УКРАИНА
Жозеп Борел
СПОДЕЛИ
Facebook Twitter LinkedIn Email

Високиот претставник на ЕУ за надворешна политика и безбедност, Жозеп Борел смета дека војната меѓу Русија и Украина „можеби нема да заврши, туку ќе замрзне како војната во Кореја“ од пред 70 години.

„Во Кореја, двете страни постигнаа примирје и прекин на огнот со воспоставување линија на раздвојување. Ова може да биде излез од овој конфликт, рече Борел (75), кој е и потпретседател на Европската комисија. Тој ова го изјави во Барселона, каде што учествуваше на настанот „Глобални кризи, европски одговори“ организиран од локалниот Центар за меѓународни односи (ЦИДОБ)“, јави весникот „Ла Вангардија“.

„Украина и Русија ќе мора да се повлечат од нивните сегашни позиции за да постигнат сценарио како она во Кореја“, рече Борел и додаде дека тоа значи оти Киев и Москва треба да престанат да бараат, бранат или освојуваат територија.

Договорот за примирје во Кореја, кој сè уште е во сила, беше потпишан во 1953 година од страна на Северна Кореја и САД, во улога на сојузник на Јужна Кореја. Договорот стави крај на воените операции, а требаше да биде основа за иден дефинитивен мировен договор, кој до денес не е реализиран.

Договорот воспостави демилитаризирана зона. „Но, премногу е рано да се размислува за (мировни) преговори“, истакна Борел, кој верува дека сега не е време двете страни да седнат на маса, исто како што не е време да се вложат напори во обнова на земјата.

„Сега мораме да се фокусираме на избегнување на уништување“, рече тој. Борел нема намера да предводи мировни преговори бидејќи, како што тврди, Русија не ја прифаќа Европската унија како посредник.

„Лавров секогаш претпочита директно да разговара со министрите за надворешни работи на земјите-членки на ЕУ отколку со мене, рече тој. Сепак, Борел забележува дека блокот од 27 земји мора да биде на преговарачка маса бидејќи „европските санкции се клучен елемент во какви било преговори и затоа што безбедноста во Европа е наша безбедност“.

Војната во Украина трае веќе девет месеци, што предизвика поскапување на храната, струјата и бензинот, погоди милиони жители на Европската унија и земји надвор од неа.

„Неопходно е да се најде решение за проблемите што ги предизвика војната. Не смееме да се умориме. Путин верува дека демократските општества се слаби поради постојаните дебати што се водат. Тој очекува јавноста да бара прекин на војната, изјави шефот на дипломатијата на ЕУ.

Борел вели дека негова задача е да им покаже на неутралните земји во светот дека „Русија е негативец, а не санкциите на ЕУ“. Во групата на неутрални наречени Глобален Југ, најчесто се јужните земји како Индија, Пакистан и Кина, како и некои африкански и јужноамерикански земји.

„Бараат од мене да ја прекинам војната. Знам како да ја запрам: со запирање на испораката на оружје за Украина. Но, ако го прекинеме тоа снабдување, какви би биле последиците? Ако Русија победи во оваа војна, таа ќе оди кон следната цел“, заклучи тој.

Борел, кој е поранешен министер за надворешни работи на Шпанија, инсистира на дополнително вооружување на земјите од ЕУ.

„Европа мора да почне да се вооружува ако сака да остане на висината на задачата“, рече тој додавајќи дека земјите мора да се договорат кое оружје ќе се набавува за да не се „преклопуваат“.

„Сепак, таа динамика не може да продолжи бесконечно и неопходно е да се изгради систем кој би ја гарантирал безбедноста во Европа“, додаде Борел.

Тој заклучи дека сегашниот посредник во конфликтот, Организацијата за безбедност и соработка во Европа (ОБСЕ), не функционира

Војна во Украина Жосеп Борел Русија
Share. Facebook Twitter LinkedIn Email
ТИКЕР

Нови собири низ Србија на „Граѓани против блокадите“

August 24, 2025

Железничкиот сообраќај во Црна Гора во прекин поради штрајк на диспечерите

August 23, 2025

Третина од Германците се плашат дека ќе ја изгубат работата поради вештачката интелигенција

August 23, 2025

Данска ќе дозволи користење вештачката интелигенција на матурските испити

August 22, 2025

Британски научници создадоа сензор од дијамант за откривање метастази

August 22, 2025
ФОКУС

Пекинг: Кина е подготвена да испрати војници во Украина, но само под мандат на ОН

ВЕСТИ August 24, 2025

Германскиот весникк „Велт ам Зонтаг“ (Welt am Sonntag) повикувајќи се на неименувани европски дипломати објави…

Нетанјаху: Израел ќе ја освои Газа без разлика дали Хамас ќе ги ослободи заложниците

August 21, 2025

Пентагон: Сценарија за Украина ќе бидат презентирани на европските советници за национална безбедност

August 21, 2025

Армијата го слави 33-от роденден со свеченост во касарната во Штип

August 18, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.