Марио Геце и дефинитивно го пропушта остатокот на сезоната. Фудбалерот ќе се рехабилитира од метаболичко нарушување што му беше дијагностицирано и се очекува да биде целосно подготвен за натпреварувачката 2017/18, соопштија од Борусија Дортмунд.
Германскиот репрезентативец би можел да се врати на тренинзи во летниот период, но тоа ќе зависи од реакцијата на третманите, додаваат од бундеслигашот од „Вестфален“.
Геце во оваа сезона беше во стартниот тим н „милионерите“ во само девет средби, а во 2017 година одигра само 24 првенствени минути.
„Долгорочната цел на нашиот играч е да биде фит за наредната сезона. Борусија Дортмунд како клуб и во име на нашите 10 милиони фанови му посакува брзо опоравување“, се вели во соопштението потпишано од Јоаким Валке, извршен директор на клубот.
Напаѓачот на „милионерите“ беше стрелец на победничкиот гол за Германија против Аргентина во финалето на Светското првенство во Бразил во 2014 година.