Претседателството на Босна и Херцеговина го достави до холандскиот министер за надворешни работи, Берт Кендерс барањето за членство во Европската унија.
На свечена церемонија во Брисел, претставникот на БиХ, Драган Човиќ изразил задоволство во име на граѓаните при предавањето на барањето, нагласувајќи дека БиХ ги исполнила сите ветувања кои ги дала последната година.
Според него, допрва следува голема работа и длабоки реформи во БиХ.
Кендерс ја поздравил Реформската агенда и Акциониот план, со што БиХ го прави првиот сериозен чекор кон Унијата.
На церемонијата присуствуала и високата претставничка за надворешни работи и безбедност на ЕУ, Федерика Могерини како и еврокомесарот Јоханес Хан.
Тие порачале дека следува анализа од страна на земјите членки за кандидатурата на Босина и Херцеговина, но и дека самиот чин само ја покажува цврстината на политиката за проширување.




