За бразилската лекарка Вирџинија Соарес де Соуза, против која се води процес за убиство на седум пациенти, се поведе истрага и за други 300 смртни случаи, соопштиле бразилските власти.
Таа е обвинета дека во болница во Куртиба на пациентите приклучени на апарати за одржување во живот им го исклучувала кислородот и им давала смртоносни дози лекови за опуштање на мускулите, пренесува Гардијан.
Бразилското министерство за здравство анализирало 1.700 болнички документи од последните седум години. Сите сомнителни случаи ја имаат истата поврзаност меѓу лековите и проблеми со апаратите за вештачко дишење, период во кој настапувала смртта на пациентите.
Како што јавува Гардијан, докторката, која била директорка на болницата, беше уапсена минатиот месец, заедно со уште три други доктори и една медицинска сестра, кои беа обвинети како соучесници.
Шефот на специјалниот истражен тим на бразилското министерство за здравство, Марио Лобато вели дека има цврсти докази за убиството на уште 20 пациенти, и дека постојат сериозни сомневања во други речиси 300 случаи.
Вирџинија Соарес де Соуза ја отфрлила вината за злосторствата.