Пратеникот во англискиот округ Корнвол, Колин Бревер, предизвика критики во јавноста кога на еден член на хуманитарна организација, кој им помага на децата со посебни потреби, му рекол дека тие деца чинат премногу и треба да се успијат.
Пратеникот предизвика уште поголем бес бидејќи одбил да даде оставка на функцијата, но во четврток, Бревер конечно се одлучил да поднесе оставка, јавува Би Би Си.
Во своја одбрана рекол дека изјавата ја дал само за да предизвика реакција во јавноста, а потоа се извинил по писмен пат.
„Тоа не е нешто поради што треба да се даде отказ. Верувам дека работам добра работа“, изјавил Бевер.
„Бев ужасната затоа што никогаш не би помислила дека некој би можел да даде таков искривен коментар, а особено не еден пратеник за време на јавен настан. Што се однесува до мене, мислам дека ми е должност да го пријавам овој случај на надлежните“, вели Тереза Корт, менаџерка на организацијата Дисабилити Корнвол.
Инцидентот се случил во октомври 2011 година, а Бревер писмено се извинил дури пред некој ден, пренесува Дејли Мејл.
„Не можев да верувам дека му требаше една година за да напише извинување. Дури и тоа извинување е некој вид навреда“, вели Корт.
Шеесет и седум-годишниот Бревер е пратеник 25 години.