Британската премиерка Тереза Меј и лидерката на Демократската унионистичка партија на Северна Ирска, Арлен Фостер, потпишаа договор за формирање малцинска влада.
Постигнувањето договор помеѓу ДУП и Конзервативната партија минатата недела беше одложено поради пожарот што ја зафати Гренфел кулата во Лондон и многуте обврски на обете лидерки.
Откако конзервативците на Тереза Меј на предвремените избори на 8 јуни не освоија доволно места за сами да формираат влада, излезе дека Демократската унионистичка партија, која освои 10 пратенички места, им е најверојатен партнер за формирање коалициска влада.
Се очекува дека, сепак, Фостер ќе бара отстапки, како и високи позиции во новата влада, во замена за здружувањето со конзервативците, вели Асошиејтед прес.
Конзервативците и ДУП заедно имаат 327 пратеника, а за мнозинство се потребни 326 до 650 пратенички места. Десет члена од парламентот од ДУП ќе ги поддржат „ториевците“ во клучните гласања во Долниот дом, кои ќе започнат со традиционалниот говор на кралицата за програмата на парламенот подоцна во неделата, меѓутоа формална коалиција нема да има.