Британската министерка Саеда Варси, која е единствена муслиманка во кабинетот на премиерот Дејвид Камарон, поднесе оставка поради политиката на Лондон кон ситуацијата во Газа.
43 -годинишната баронеса Варси, ја извршува функцијата министерка за надворешни работи и за верски заедници. Таа напиша на Твитер: „Со длабоко жалење денеска му напишав писмо на премиерот и му ја предадов оставката. Не можам да ја поднесам повеќе политиката на Владата за ситуацијата во Газа“
Саеда Варси, е ќерка на пакистански имигранти и членка на Домот на лордовите од 2007-ма година.
Иако, Владата на Британија неколку пати ја повикуваше израелската војска и Хамас да го запрат крвопролевањето во Газа, премиерот Дејвид Камерон е на удар од Лабуристичката партија заради одбивањето израелската воена офанзива во Газа да ја каректиризира како несразмерна употреба на сила.