Британскиот министер сер Алан Данкан ја поздрави одлуката на Иванов

Британскиот министер за Европа и Америка сер Алан Данкан ја поздрави одлуката на Претседателот Ѓорге Иванов да му овозможи на парламентарното мнозинство предводено од  Зоран Заев да формира влада, и оцени дека ова е битен чекор напред за демократската иднина на земјата.

„Обединетото Кралство ги повикува сите политички лидери да работат заеднички, конструктивно и во интересот на Македонија и сите нејзини граѓани. Ние сме подготвени да ги помогнеме таквите напори и да ја поддржиме Македонија во нејзините аспирации за ЕУ и НАТО“, се вели во изјавата на Данкан.