Британскиот Врховен суд утрово ја започна историската расправа за тоа дали е потребна согласност од пратениците за да започнат преговорите за официјален Брегзит.
Жалбата на владата предводена од Тереса Меј ќе ја разгледуваат 11 судии, по неодамнешната судска одлука која вели дека само Парламентот има авторитет да го активира членот 50.
Се очекува сослушувањето да трае четири дена а пресудата да биде донесена во јануари следната година, по што ќе се знаат и плановите на Тереса Меј за тоа како да ја напушти Велика Британија.
При првичното обраќање, отворајќи го случајот, претседателот на Врховниот суд, Лордот Неубергер потенцираше дека како судии, тие мора да донесат трезвена одлука согласно законот.
– Како судии, наша должност е да ги земеме сите прашања во обзир и да донесеме независна одлука согласно законот, рече тој.
Велика Британија на референдум во јуни изгласа излез од Европската унија со резултат 51.9% према 48.1%.