Брод со пропалестински активисти се запали во меѓународни води кај Малта, а екипажот испрати СОС сигнал по, како што тврдат, напад со дрон.
Коалицијата „Фридом Флотила“, која се спротивставува на израелската блокада на Газа, за Си-Ен-Ен изјави дека на бродот имало 32 лица во моментот на нападот. Според нивните тврдења, нападот се случил малку по полноќ по локално време.
„На бродот сега има дупка и тој тоне“, изјави портпаролката на коалицијата Јасемин Аџар, која во моментот на разговорот се наоѓала на Малта. Таа додаде дека од бродот биле испратени повици за помош до околните држави, вклучително и Малта, и дека „мал брод од јужен Кипар тргнал кон нив“. Аџар изјави дека по СОС сигналот успеала да стапи во контакт со некои членови на екипажот.
Коалицијата на својот профил на платформата Х објави видео што покажува брод во пламен и чад што се издига. Во друго видео што го објавија се слушаат две силни експлозии. „Нашиот брод се наоѓа на 17 километри од брегот на Малта, во меѓународни води, и беше двапати нападнат со дрон“, изјави Аџар, додавајќи дека, според сè, мети биле генераторите на предниот дел од бродот.
Флотилата не изнесе обвинувања за тоа кој би можел да стои зад нападо