Соединетите Американски Држави втор ден по ред бележат црн рекорд по бројот на смртни случаи од ковид-19. Во земјата, во последните 24 часа, починаа 2.371 лице со што вкупниот број на жртви се искачи на 30.800, бројот на заразени надмина 640.000, додека, речиси, 50.000 пациенти се водат како оздравени.
Првите случаи на ковид-19 во САД беа пријавени на 29 февруари. За 38 дена, бројот на жртви достигна 10.000, а само девет дена подоцна починаа 30.000 луѓе. И покрај фактот што вкупниот број на починати и новозаразени лица е сè уште голем, во некои делови на Америка епидемијата опаѓа.
Гувернери на 20 држави со заразени лица изразија верба дека на 1 мај ќе може повторно да ја придвижат економијата, датум кој претседателот Доналд Трамп го означи како почеток на отворањето на земјата.