„Будење на солидарноста”, дел од проектот „Скопски урбани приказни”, ќе се одржи во среда од 19 до 23 часот во централното градско подрачје.
Проектот „Скопски урбани приказни” е дел од уметничката годишна програма на Друштво на ликовни уметници на Македонија кој е организиран во соработка со Скопско Лето.
Проектот оваа година ќе се организира по шести пат.
Учесници на проектот се ликовните автори: Кристина Божурска, Ангел Миов, Ален Реџепагиќ, Мирослав Стојановиќ Шуки и Маја Кировска.
Авторите оваа година ќе го прикажат/раскажат своето гледиште на тема “Wake-Up Solidarity” (Будење на солидарноста) по повод одбележувањето на 50 години од катастрофалниот земјотрес на Скопје.
Кристина Божурска ќе се претстави од 19-19.30 часот пред книжарницата „Култура” (плоштад), потоа Ангел Миов од 19.30-20 часот меѓу ЕВН и „Дестан” (плоштад), па Ален Реџепагиќ од 20-20.30 часот на плато пред Дом на Армијата, како и 4.Мирослав Стојановиќ Шуки во следниот половина час, а на крај Маја Кировска 21-21.30 часот на ул. Македонија ( во уличката меѓу „Пеко” и кафе бар „Барселона”)