Бугарското општество има најголема доверба во шефот на државата Румен Радев – 48 посто, а недовербата кон него изнесува 33 посто, покажа анкетата спроведена од Маркет Линкс. Премиерот Кирил Петков во оваа анкета се наоѓа дури на петтото место според довербата што во него ја имаат бугарските граѓани, и таа изнесува 17 посто доверба и 68 посто недоверба. Пред него се поранешниот привремен премиер Стефан Јанев со 28 посто доверба и 72 посто недоверба кој е на второ место, лидерот на ГЕРБ и поранешен премиер Бојко Борисов со 22 посто доверба и 65 посто недоверба, кој е на трето место. Исто ниво на доверба со Петков има и лидерот на „Има таков народ“ Слави Трифунов кон кого само недовербата е помала и изнесува 63 посто.
Бугарите и во однос на избори се изјасниле повеќе за партијата на Борисов, ГЕРБ, за која би гласале 22,9 посто доколку изборите се случат денеска. Анкетата е спроведена во периодот од 29 април до 8 мај 2022 година. На второ место е партијата на премиерот Кирил Петков „Промените продолжуваат“, за која би гласале 16,9 посто.