Протестите во Бугарија продолжуваат по повеќе од 20 дена. Барањата на протестантите против монополите од енергетскиот сектор и за ревизија на политичкиот систем остануваат неисполнети.
Протестите продолжија и вчера, на денот на независноста на Бугарија. Десетици илјади демонстранти вчера протестираа во Бугарија, поради сиромаштијата и корупцијата и побараа законски амандмани кои ќе овозможат обичните граѓани да учествуваат во политиката.
Најголемиот митинг собра речиси 50.000 луѓе во Варна и над 7.000 граѓани во протестот во Софија, издигнувајќи транспаренти „Мафијашите – во затвор!“.
Една од причините за продолжување на протестите се и самозапалувањата – три случаи за помалку од месец дена, сите во главно занемарени од медиумите.
Еден од самозапалените, кој почина, 36-годишниот Пламен Горанов, стана симбол на борабата против мафијата и политичкиот систем.