Организаторите на протестите во Бугарија преку Facebook порачаа дека не се откажуваат од демонстрациите.
„Не дојволувајте да бидеме испровоцирани со оваа оставка и да се повлечеме. Ова е манипулација за да престанеме! Но, дури сега се почнува“, порача еден од организаторите и ги повика Бугарските граѓани на улица.
Денеска бугарскиот премиер Бојко Борисов си поднесе оставка исканувајќи дека не сака да биде премиер во држава во која полицијата ги тепа граѓаните.
Оставката на Владата на бугарскиот премиер Бојко Борисов е доставена до Народното собрание и галасњето по неа ќе биде прва точка на утрешната собраниска седница, соопшти претседателот на бугарскиот Парламеет, Цецка Цачева.
Оставката на Борисов следи по еднонеделните протестите на граѓаните кои бараат намалување на цената на електричната енергија.
Дел од аналитичарите се на ставот дека потегот на Борисов се случува во момент кога неговиот рејтинг е доста низок на само четири месеци пред парламентарните избори.
Некои министри од кабинетот на Борисов велат дека се изненадени од потегот на бугарскиот премиер, кој од собраниската говорница ја најави својата оставка уште пред заседанието на Министерскиот совет.
„Тоа е негово лично решение. Разбрав за оставката од медиумите“, изјави пред новинарите министерот за образование Стефан Воденичаров.
„Не може да сме влада, што ќе остави спомен за скршени глави и крв на улиците“, коментира Томислав Дончев кој беше предложен за министер за финансии на местот на Симеон Днков.