Влезете во светот на шест актери кои го чекаат својот повик. Чекајќи го повикот, секој од нив добива шанса да се соочи и да ја раскаже својата бура.
Во рамките на овогодинешното 17. то издание на СКУПИ Фестивалот се одржа 6 дневна работилница под водство на режисерката Теа Беговска. Се работеше на перформансот со наслов БУРА И ПРОДОР чиј продуцент е СКУПИ Фестивал.
„Како инспирација за овој перформанс тргнавме од познатото германско движење STURM UND DRANG, во превод Бура Продор, движење во уметноста кое донело нови форми кои силно продреле во делата на големите автори. Во оваа работилница се потрудивме да продреме во нашето време и да искреираме перформанс во кој ќе ја видите бурата и продорот на младите актери.“, вели режисерката Беговска.
Театар. Шест актери. Еден телефон.
Влезете во светот на шест актери кои го чекаат својот повик. Чекајќи го повикот, секој од нив добива шанса да се соочи и да ја раскаже својата бура.
Перформансот „Бура и продор“ се занимава исклучиво со актерската професија и со лични бури поврзани со актерството и театарот, прикажани преку разни драмски и комични ситуации, ставајќи акцент на изразувањето преку движење.
„Бура и продор“ – перформанс кој говори за актерот, пред се’ – човек кој бурно се носи и бори со своето време.
Перформансот БУРА И ПРОДОР повторно ќе може да се погледне на 31. ви октомври во 20ч во Културниот Центар ЈАДРО.
Во перформансот играат актерите: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски и Дин Ибрахим. Режијата е на Теа Беговска.
Билетите за перформансот се достапни на kupikartizase или на следниот линк:
https://www.kupikartizase.com/Events/bura_prodor
А. В.