Published: Monday, January 27, 2014 13:35
Малопродажните цени на бензините и дизелот од ноќеска на полноќ се зголемуваат за половина денар.
Според одлуката на Регулаторната комисија за енергетика, новата цена на Еуросупер БС-95 изнесува 78 денари за литар, на Еуросупер БС-98 изнесува 79,50 денари за литар, а цената на Еуродизелот ќе биде 69 денари.
Малопродажната цена на Екстра лесното за домаќинство ќе изнесува 58 денари, а на мазутот се зголемува и ќе изнесува 40,086 денари за килограм.
Просечната цена на сурова нафта на светскиот пазар во изминатиот 14.дневен период изнесуваше 108,815 долари за барел, а курсот на денарот во однос на доларот изнесува 45,20 денари.