Управата на американската телевизиска мрежа CBS од годинашните учесници на доделувањето на музичките награди Греми кој ќе се одржи утре, побара да водат сметка нивните задници, брадавици на дојките и гениталиите да бидат добро покриени, како и да не ги искажуваат своите политички ставови.
Во „советите за облекувањето” раководството на CBS од музичарите и публиката, исто така, бара да не носат блузи со имиња на брендови, ниту облека со политички слогани.
„Облеката која премногу открива е неприфатлива”, наложуваат од CBS.
Ова предупредување следува по долгогодишниот судски спор кој CBS го водеше околу стандардите за непристојноста и соблазнителноста на американските телевизиски програми.
Сојузната комисија за комуникации ја казни CBS со 550 илјади долари кога на пејачката Џенет Џексон во текот на финалето на „Super Bowl“ во 2004 година во еден момент ѝ се лизна фустанот од рамото откривајќи ја притоа брадавицата на нејзината града.
Пресудата за плаќањето на казната подоцна беше отфрлена, а CBS изрази длабоко жалење поради инцидентот.