Ана Чупеска: Министерката најавува дека таа лично ќе укинувала акти на Универзитетот
преку нови законски решенија.
Изгледа некој сериозно ги побркал надлежностите со желбите!
Ајде кратко и јасно:
- Автономијата е Устав (Член 46). Тоа не е нешто што министерката ни го позајмува, па да ни го одземе со закон. Државата има обврска да ја гарантира, а не да ја зема и одзема академската слобода според дневно-политички потреби.
- Министерството не е Суд.
Надзор над законитоста значи дека можеш да укажеш, а не да „сечеш“. Ако сакаш да укинуваш акт на автономен Универзитет — одиш на Управен суд.
Сè друго е правен дилетантизам.
- Има органи за гонење криминал.
Ако министерката има сознанија за незаконски дејствија, за тоа постојат Суд, ОЈО, ДКСК и други надлежни органи. Такво дејство таа може и СЕГА да поднесе ако има некакви такви сознанија! Ако е навистина така — зошто не го прави тоа веднаш?!
- Прашање на одговорност.
На пример, дали министерката има сознанија за универзитети кои работат „на диво“ и делат дипломи за пари? Ако има, а не поднесува пријава до ОЈО, според нејзината сопствена логика таа веќе е соучесник.
Молкот пред криминал не се решава со нови закони за узурпација на автономијата, туку со кривични пријави.
Министерке, оладете го ентузијазмот.
Дефектен ви е Законот !
Универзитетот преживеал многу политички апетити, ќе го преживее и овој „инженеринг“.
Наместо да укинувате акти за да дисциплинирате, почнете да ги пријавувате криминалите за кои зборувате.
Ако ги имате, се разбира.
Извор: Фејсбук