Голем број неправилности и злоупотреби регистрирале набљудувачките тимови на Цивил – Центарот за слобода.
Тепачки и насилство се забележани во општина Шуто Оризари, Могила, и Чаир.
На избирачкото место 2955, во Шуто Оризари, дошло до тепечка помеѓу директор на училиште и член на избирачката комисија.
Во тепачка учествувале и членови блиски на кандидатите на овие избори, надвор од избирачките места во истата општина.
Цивил забележал тепачка и во Могила на избирачкото место 0193. Активисти од иста политичка партија меѓусебното недоразбирање го расчистувале со физичка пресметка.
Во Ресен е регистрирано организирано и масовно гласање.
Во организација на една политичка партија, жители од Пустец, Албанија, со автобуси биле довезени во Ресен за да гласаат. Сличен случај е регистриран и во Охрид, каде автобуси донеле гласачи од Албанија.
Купување на гласови преку пакети со храна и намирници или пари, како и плаќање долгови во локалните продавници се забележани во неколку општини, меѓу кои Кичево, Куманово, Кавадарци итн.
Злоупотреби на деца од страна на професори се забележани во неколку средни училишта во
Скопје. Од учениците било барано да гласаат за одредена политичка партија, и тоа да го докажат со снимка од мобилен телефон, а во замена им биле ветувано поправка на слабите оценки.
Според активистите на Цивил, во неколку случаи регистрирани се лица кои гласале и по два пати со различни лични документи.
Цивил овие локални избори ги следеше со повеќе од 150 набљудувачи во сите општини од кои 128 се акредитирани во Државната изборна комисија.