Една група која ги претставува преживеаните од сексуална злоупотреба од страна на свештениците, ги именуваше “Валканите десетмина” со објавување на имињата на кардиналите, јавува Си-Ен-Ен.
Групата појаснува дека се работи за најлошите кандидати за папа, врз основа на нивната обработка на тврдењата за сексуални злоупотреби врз деца.
Нивното присуство на листата се базира “на нивните активности и / или јавни коментари за сексуални злоупотреби на деца и прикривања во црквата”, вели групата.
На листата се наоѓаат Римокатолички кардинали од неколку земји.
СНАП (Мрежа на злоупотребените од свештеници) , вели, дека обвинувањата се базирани на медиумските извештаи, судски пријави и извештаи на жртвите.
Кардиналите чии имиња се наоѓаат на листата се уште не одговориле на СНАП.