Published: Tuesday, August 24, 2021 15:13
Одморот на малдиот српски фудбалер Никола Стевановиќ во Охрид заврши кобно откако при скок од карпа во езеро, удрил во подводен камен и го повредил рбетниот мозок. По 12 дена кома и борба за својот живот вчера починал на Клиниката за анестезија, реанимација и интензивно лекување во Скопје
Според информациите на директорката на КАРИЛ д-р Маја Мојсова – Мијовска, повредите на момчето биле фатални. Според неа момчето со сериозни повреди на мозокот бил директно донесено во Скопје.
– По скокот пациентот веднаш беше реанимиран од докторка која се наоѓала на плажата при што беше извршено срцево, белодродбно и мозочно оживување. Скокот во езерото беа фатални за момчето кое го скршил вратниот рбет со прекин на рбетниот мозок. Тој беше итно опериран, но за жал поради сериозните и тешки повреди пациентот вчера почина, истакна Мајсова-Мијовска.
Таа апелира до сите млади, но и возрасни да не скокаат во вода доколку немаат јасна претстава за длабочината и што точно ги очекува под водната површина.
– Ве молам да престанете да скокате во вода на глава. Секоја година во летниот период имаме од 5 до 6 случаи кои завршуваат со траен инвалидитет или срмртен исход, вели Мајсова-Мијовска.
И.Р.