Роџер Федерер ја прослави 350 победа на гренслем турнирите на кои по 17 пат во кариерата ќе игра во осминафинале на Вимблдон. Швајцарецот за нешто повеќе од два часа го совлада Лук Пуј од Франција со 7:5, 6:2, 7:6 во третото коло и во наредниот меч на терените на „All England Club“ ќе игра со Матео Беретини од Италија. Французинот се претстави во солидно издание, но, сепак, не беше доволно да освои барем сет во дуелот со осумкратниот шампион во Лондон.
Со нова максимална победа на Вимблдон и Рафаел Надал. Шпанскиот тенисер во третото коло го елиминира Жо Вилфред Цонга со 6:2, 6:3, 6:2 и во осминафиналето ќе игра со подобриот од мечот меѓу Британецот Даниел Еванс и Жоао Соуза од Португалија.
За мало изненадување на шестиот натпреварувачки ден се погрижи Американецот Тенис Сандгрен кој во три сета славеше над 12. носител, Фабио Фоњини со 6:3, 7:6, 6:3. Италијанецот не беше задоволен од спствената игра, па вината ја лоцира во бучавата на која се пожали од еден од соседните терени. Но, тоа не беше и единствена причина за нервозниот Фоњини кој, според британските медиуми, бил незадоволен од настапот на теренот број 14, еден од помалите во комплексот, за што во еден момент и со недоличен коментар „Проклети Англичани, би сакал овде да експлодира бомба“ за што следуваше и извинување.
Вимблдон, 3 коло
Федерер (2., Швајцарија) – Пуј (27., Франција) 7:5, 6:2, 7:6
Надал (3., Шпанија) – Цонга (Франција) 6:2, 6:3, 6:2
Нишикори (8., Јапонија) – Џонсон (САД) 6:4, 6:3, 6:2
Сандгрен (САД) – Фоњини (12., Италија) 6:3, 7:6, 6:3
Беретини (17., Италија) – Шварцман (24., Аргентина) 6:7, 7:6, 4:6, 7:6, 6:3
Кукушкин (Казахстан) – Штруф (33., Германија) 6:3, 7:6, 4:6, 7:5
Ѓоковиќ (1., Србија) – Хуркач (Полска) 7:5, 6:7, 6:1, 6:4
Пелја (26., Аргентина) – Андерсон (4., Ј. Африка) 6:4, 6:3, 7:6
Баутиста Агута (23., Шпанија) – Качанов (10., Русија) 6:3, 7:6, 6:1
Гофан (21., Белгија) – Медведев (11., Русија) 4:6, 6:2, 3:6, 6:3, 7:5
Раониќ (15., Канада) – Опелка (САД) 7:6, 6:2, 6:1
Умбер (Франција) – Алиасим (19., Канада) 6:4, 7:5, 6:3
Пер (28., Франција) – Весели (Чешка) 5:7, 7:6, 6:3, 7:6