Претседателот на Владата на Србија Ивица Дачиќ во авторски текст за денешна „Политика“ пишува дека во Србија, поради нејзината иднина, повеќе никој нема право на криење, а посебно не зад Косово, затоа што новите обиди за криење би завршиле со уште еден егзодус, нови жртви и нов пораз.
Дачиќ смета дека спогодбата во Брисел претставува крај на почетокот, симнување на бремето од грбот на нацијата, кој го носи веќе 20 години, како и дека девастирањето на Србија морало да заврши.
-И целата суштина на бриселската спогодба е во тоа. Да го означиме почетокот на крајот и крајот на почетокот и да најдеме начин, и начини, да го направиме она поради што сме избрани. А избрани сме за Србија да биде земја во која има работа, патишта, училишта, болници, книги, театри, лекови, задоволни и остварени луѓе“.
„И избрани сме на земски, а не небески избори, за земска Србија. На оние небеските, за небеска Србија, таа приказна е завршена. Има кој да бира и да суди. И така треба, а ние ќе се занимаваме со нашите работи, на нашата земја. Беа криење. И без изговори, пишува Дачиќ во „Политика“.