Колку често правите „селфи“ со вашиот мобилен телефон и што говори тоа за вашата самодоверба?
Одберете еден од следните одговори: Никогаш – можеби еднаш годишни; Ретко – можеби еднаш или два пати месечно: Често – најмалку еднаш неделно.
А кога правите „селфи“ (под претпоставка дека сте направиле барем едно), колку (а) атрактивно или (б) допадливо мислите дека сте излегле на сликата на скалата од 1 (воопшто) до 7 (многу).
Ако вашиот одговор е „често“, вие веројатно и не сте излегле толку атрактивно и допадливо колку што си мислите. Ако вашиот одговор, пак, е „никогаш“, отприлика истите правиле важат и за вас.
Ова го заклучила една неодамнешна студија направена на Универзитетот во Торонто во која што учествувале 200 студенти кои биле припаѓале на луѓе кои често прават селфи и на луѓе кои не прават селфи. Сите учесници направиле по една таква фотографија во лабораторијата и потоа требало самите да ги оценат фотографиите – колку атрактивно и допадливо мислат дека излегле. Потоа други луѓе ги оценувале фотографиите.
Во просек, луѓето кои ретко или никогаш не правеле „селфи“ себеси си дале 0.5 поени повеќе одошто им дале другите, додека оние кои често правеле „селфи“ себеси си дале 1.5 поени повеќе од оценката на другите. И двете групи кога биле прашани сами да си ги измерат резултатите си дале повеќе поени од што им даваат другите. Заклучокот на оваа студија е дека „селфи“ фановите ја преценуваат својата атрактивност и допадливост, но само во своите „селфиња“.
Комплетната верзија на референцата за овој текст прочитајте ја на овој линк.