Екс фронтменот на легендарните „Underworld“ и ди џеј ѕвездата Дарен Емерсон води исклучително здрав живот. За неговиот настап во Скопје, тој ја испрати неговата листа на барања, едно од нив се однесува на облеката на возачот.
Како што велат од „Sun production“, ги изненадил организаторите со „интересни“ барања за неговиот престој за во Скопје.
Дарен во последниве неколку години решил да води исклучително здрав живот, па поради тоа на организаторите строго им било нагласено дека за време на престојот во секое време во негова близина треба да има памучни пешкири, дури и возачот кој ќе го вози додека е во Скопје мора да биде облечен во облека која содржи 100% памук.
Кога е во прашање храната задолжително мора да се состои од овошје, зеленчук, свежо млеко.
Посебно е нагласено дека во секое време треба да има морков, цвекло, корен од ѓумбир, а исто така и тегла планински мед.
Продукцијата„ Sun production“ ги исполни неговите барања и ги подготвува другите детали за настапот на Дарен Емерсон во Скопје.