Ноќеска околу 00:30 часот кај Рампа се случила сообраќајка во која Дејан Митровски – Урко кој управувал БМВ, тешко повредил мотоциклист, дознава НОВА од извори во МВР.
Според записникот од сообраќајката до кој дојдовме, со тешки телесни повреди се здобил младиот Стојанчо Андонов, по што бил пренесен во болница.
Засега од МВР нема информации за тоа како дошло до сообраќајката, во која е потешко повреден мотоциклистот.
Нова објави дека на булеварот „Борис Трајковски“ ноќеска се случила сообраќајка помеѓу автомобил „БМВ“ управувано од лице со иницијали М.Д. со мотор хонда управуван од С.А. роден од Скопје, потврдија од МВР за НОВА.
Според билтенот на МВР, вчера во 00.40 часот во Скопје, на булевар „Борис Трајковски“, се случила сообраќајна незгода помеѓу ПМВ „БМВ“ со скопски регистарски ознаки, управувано од М.Д.(43) од Скопје и моторцикл Хонда ЦБР без регистарски ознаки, управуван од С.А. (22) од Скопје.
На слика од очевидци испратена до НОВА од сообраќајката се гледа управуваниот автомобил.
Од МВР соопштија дека во незгодата со тешки телесни повреди се здобил возачот на моторциклот, кој со возило на Итна медицинска помош бил префрлен во Градска општа болница „Наум Охридски“.
„Истиот е неконтактибилен и се наоѓа во животна опасност. Увид извршила екипа на СВР Скопје“, се вели во билтенот.
Од болницата за НОВА потврдија дека повредениот С.А. е во тешка и животно загрозувачка состојба и е на оделот за интензивна нега.