Со 597 гласа „за“ и 1 „ против“ и 24 „воздржани“, делегатите на СДСМ ги усвоија пратеничките листи за предвремените парламентарни избори на 11 декември. Главен адут на СДСМ и здружената  опозиција ќе биде намалувањето на невработеноста, запирање на иселувањето на младите од Македонија, зголемен економски раст и неселективната правда. Пред делегатите и новинарите по завршувањето на работниот дел на Конгресот, се обратија носителите на шесте изборни единици. Последен с е обрати лидерот на партијата Зоран Заев, кој рече дека му е драго што ја добил честа да ја води ИЕ 1,  каде што с е родил и пораснал. Тој рече пред делегатите дека нема да ветува многу , туку само граѓанска и слободна Македонија.

„Граѓанскиот концепт е победнички, а вие денеска донесовте историска одлука со која Македонија ќе ја вратиме во рацете на граѓаните. Мене животот ме научил да знам и што е земјоделие и што е бизнис. Кога започнав да ја водам Општина Струмица таа беше една од најзагрозените општини,а  денес е една од најразвиените. Сакам да кажам дека ако се сака, се се може„ рече Заев.

14975962_10209233358424225_1190203004_o

Заменик претседателката на СДСМ Радмила Шеќеринска рече дека на 11 декември ќе покажат дека криминалната власт заминува во историјата. Шеќеринска нагласи дека ова битка ја водат за граѓаните и од таа причина на сите избирачки листи е оставен простор за граѓаните.

„Граѓаните бараат еднаква правда за сите. Ќе се бориме против загаденоста и парите на граѓаните ќе ги вратиме кај граѓаните, нема да ги делиме кај белосветски измамници како Субрата Рој. Редно е да го вратиме животот во Македонија“, рече Шеќеринска.

15007800_10209233359024240_826240008_o

Љупчо Николовски, носител на изборната ИЕ 3,  рече дека на овие избори граѓаните ќе бидат врвен приоритет, но и сојузник. Носителот на изборната ИЕ 6, Петре Шилегов порача дека криминалците ќе одговараат, а парите на граѓаните ќе им бидат вратени.

14964020_10209233360744283_108210807_o

Оливер Спасовски од ИЕ 2,  рече дека ќ е се борат за правото на достоинствен живот на граѓаните. Како што рече Спасовски, во неговата Изборна единица има различни граѓани, но со исти проблеми. Тој најави и зголемување на безбедноста во државата.

15007975_10209233358464226_1561720930_o

Носителот на ИЕ  1  Стево Пендаровски порача дека најголемиот пораз ВМРО ДПМНЕ  ќе го претрпи токму во оваа Изборна единица. Тој најави намалување на невработеноста, зголемување  на стандардот, фер даночен систем, намалување на социјалните разлики и рече дека борбата против криминалот и корупцијата ќе биде нивен врвен приоритет, а правдата неселективна. Пендаровски како и неговите колеги рече дека сите пари кои се одземени од граѓаните ќе им бидат вратени.

„Сакам да ви кажам на сите дека, по 11 декември ни во лудило нема да продолжат налудничавите проекти на власта како проектот„Скопје 2014“. Тие сите ќе бидат стопирани, а ќе се направи и ревизија“, изјави Пендаровски пред присутните на Конгресот.

14975778_10209233359064241_635204113_o

Сите носители на кандидатски листи упатија порака до вработените во јавната администрација дека нема потреба да стравуваат за своите работни места.