Демократскиот сојуз предлага Република Македонија да биде една изборна единица, како основа за, како што велат од партијата демонтажа на еднопартискиот систем и јакнење на одговорноста при носењето круцијални одлуки и владеење на правото.
“Во рамките на приоритетните реформи кои треба да ги спроведа Реформската Влада (се очекува да се формира во текот на овој месец), предлагаме да бидат и промените во изборната регулатива, при што најбитно е да остане пропорционалниот изборен модел, а Република Македонија да биде една изборна единица.
Во ова насока очекуваме и нов систем за евидентирање на гласачите, електонско гласање, како и целосна професионализација на ДИК.
Доколку Македонија биде една изборна единица, составот на Парламентот ќе биде реален одраз на волјата на граѓаните, но и во голема мера ќе се намалат можностите за кршење на изборните правила, партиите ќе морат да соработуваат и ќе се создадат услови за поодговорно владеење.“ се велив о партиското соопштение.
Од Демократскиот Сојуз сметаат дека ваков изборен модел отвора можност и за помалите и новоформираните партии, како и за помалите етнички заедници.
„Ги повикуваме политичките партии, граѓанските асоцијации и сите граѓани, доколку се за промени, правда и одговорно владеење, да ја подржат оваа иницијатива.
Демократскиот сојуз очекува коренити реформи и во правосудството, системот за безбедност, медиумите, департизациија на институциите, како битни предуслови за организирање на фер, демократски и кредибилни избори.“ велат од ДС.