Утрово пред 6 часот, засега непознати сторители ја демолирале народната канцеларија на претседателот Ѓорѓе Иванов во Тетово лоцирана на улицата „Борис Кидриќ“.
Излогот и влезната врата на канцеларијата биле скршени со делови од ќерамиди и бетон, а во внатрешноста на канцеларијата биле фрлени и неколку јајца.
Од СВР Тетово за НОВА велат дека по пријавата од граѓани и наредба на јавен обвинител, нивна екипа извршила целосен увид.
-Се преземаат мерки и активности за откривање на сторителите и за расветлувањето на мотивите за ова оштетувања, вели за НОВА портпаролот на СВР Тетово Марјан Јосифовски.
По одлуката на претседателот Иванов за колективна аболиција на 56 лица, беше демолирана и Народната канцеларија на Иванов во Скопје. Одлуката за колективна аболиција предизвика и масовни протести во Скопје, Битола и Велес, а од денеска протестите продолжуваат и во Штип, Кочани, Прилеп и Гостивар.