Државата и државноста се неразделни како дрво и корен. Без историски корени државата не може да постои. Историјата му дава на општеството свест за поврзаноста на генерациите и изградбата на заедничкиот пат.
Амбасада на Украина
На 15 јули Украина го одбележува Денот на украинската државност, кој се совпаѓа со Денот на крштевањето на Рус-Украина (Кијивска Рус) и денот на оддавање почит на истакнатиот државотворец, кијивскиот кнез Володимир Велики.
Прифаќањето на христијанството од страна на кнезот на Кијив Володимир во 988 година претставува цивилизациски избор за Украина. Христијанството придонесе за подемот на културата и образованието, како и за развојот на кириличната писменост.
Државноста е олицетворение на патот на нацијата кон сопствена држава. Јадрото на државноста е волјата за самоопределување, историското искуство на народот, неговиот менталитет и правните традиции. Државата е начин на обезбедување и гаранција за целосното постоење на нацијата.
Обележја на успешна државност се оствареното право на нацијата на независност, ефикасен државен апарат и способна армија, систем на правни норми, меѓународно признание на државата и нејзина правна идентификација во светот.
Државата и државноста се неразделни како дрво и корен. Без историски корени државата не може да постои. Историјата му дава на општеството свест за поврзаноста на генерациите и изградбата на заедничкиот пат.
Историјата на украинската државност води потекло од средновековната држава Кијивска Рус, чиј центар бил Кијив. Токму Кијивска Рус ги постави темелите на државотворните традиции на Украинците. Оттаму потекнува грбот, паричната единица, а најважно – Кијив како политички и културен центар на Украина.
Традициите на Кијивска Рус во изградбата на заедничкиот европски културно-религиозен простор беа продолжени, меѓу другото, од Галицко-Волинското кнежевство, украинската козачка држава, Украинската народна република, Западноукраинската Народна Република, Украинската Држава на хетманот Павло Скоропадски, Карпатска Украина и современата независна Украина.
Знаењето на историјата на нашата државност во сета нејзина континуитетност е силно оружје против манипулациите со историските факти во услови на информативната војна на РФ против Украина.
Вистинската историја ги разобличува лажните наративи на руската пропаганда дека Украинците и Русите се „еден народ“, а Украина е наводно „вештачка и неодржлива држава“. Затоа сегашната војна е борба не само за иднината на нашата држава, туку и за нејзиното минато, за националната независност и идентитет.
Преземено: ЦивилМедиа