Перуанката Аделма Тапиа Руиз е првата идентификувана жртва во вчерашните терористички напади во Брисел.
Како што соопшти перуанското Министерство за надворешни работи 37.гоишната Руиз која живеела во Брисел била на аеродромот заедно со сопругот инаку Белгиев и нивните две 4 годипни близначки, со намера да патуваат во Њујорк.
Покрај неа во нападите загинаа уште 30 луше а над 260 се повредени, од кои многумина се во критична состојба.
Инаку, точно напладне Белгијците со минута молк им оддадоа почит на жртвите од терористичките напади. На еден од централните плоштади во Брисел Бурс се собраа голем број луѓе кои палеа свеќи во знак на сеќавање, а меѓу нив беше и премиерот Шарл Мишел.
Голем број луше се собрале и во седиштето на ЕУ.
По вчерашниот ужас, Белгијците денеска се враќаат во нормален ќивот, но под засилени мерки на безбедност и четврто ниво на претпазливост.
Училиштата работат, исто како и железницата, додека метрото работи делумно. Аероромот каде вчера се случи нападот останува затворен на неодредено време.
Во земјата е прогласена тридневна жалост, а знамињата ќе останат на половина копје до 24 март.
Белгиските власти денеска соопштија дека браќата Калид и Брахим Ел Бакрауи се двајцата бомбаши самоубијци за кои се претпоставува дека го извршиле терористичкиот напад на аеродромот во Брисел при што загинаа 14 лица. 27 годишниот Калид и 30 годишниот Ибрахим и се познати на полицијата за повеќе кривични дела.
Белгиската полиција и натаму трага по третиот напаѓач Наџим Лахрави, за кого денеска белгиските медиуми прво јавија дека е уапсен, а потоа веста ја демантираа.