Ден на жалост во Холандија

Холандија денешниот ден го прогласи за ден на жалост, а во земјата во текот на денов се очекува да пристигнат првите посмртни остатоци на загинатите во несреќата на Малезискиот авион кој се урна во Источна Украина, пренесуваат светските новински агенции.

Околу 16 часот по локално време во Ајндховен со два авиона ќе бидат донесени првите тела на жртви од несреќата во која загинаа сите 298 лица во авионот, од кои 193 се Холанѓани.

Остатоците ќе бидат веднаш пренесени во воената база Хилверсум, каде што ќе започне идентификацијата на жртвите.

На церемонија во чест на загинатите во Ајндховен ќе присуствуваат кралот Вилем-Александар и неговата сопруга, премиерот Марк Руте, како и високи претставници на други држави, чии граѓани се нашле во летот МХ17,како и блиските на загинатите, пренесе ИТАР-ТАСС.

Слетувањето на авионите со телата на жртвите ќе биде со едноминутно молчење во целата земја.

Записите од црните кутии на авионот ќе бидат анализирани во Велика Британија, пишува БТА.

Бунтовниците се обвинети за заглавување на работата на иследниците, за манипулирање со доказите и давање неточни информации за бројот на телата кои се пронајдени.

Фрижидерот со остатоците е превезен со воз и околу 200 тела пристигнаа во градот Каркив во вторникот, четири дена по несреќата.

Експертите рекоа дека ќе продолжат да го бараат местото на несреќата.

Украинскиот претседател Петро Порошенко и американскиот претседател Барак Обама на 21 јули ги критикуваа условите на местото на несреќата на Малезија ерлајнс со лет 17, велејќи дека бунтовниците поддржани од Русија продолжуваат да ги попречуваат напорите за враќање на телата и да се испита што точно се случило.

Порошенко, говорејќи за Кристијана Аманпур за Си-Ен-Ен , бараше меѓународна солидарност против бунтовниците кои се борат против владата во Киев.

“Јас не гледам никакви разлики” помеѓу 9/11, Локерби бомбардирањето и нападот на летот 17, рече Порошенко.

Ваквиот тероризам е опасност за “целиот свет” и “глобалната безбедност”, рече тој.

Американскиот претседател Обама говорејќи во исто време во Вашингтон пак, ја предупреди Русија- “Ако Русија продолжи да ги поддржува сепаратистите во Украина, цената на таа поддршка на Русија ќе се зголеми”.

Обама ја повика Русија да ги заузда бунтовничките борци за кои се верува од страна на многу меѓународни лидери дека се одговорни за соборувањето на патничкиот авион при што загинаа сите 298 патници.

Тој додаде дека Русија досега не успеа да ги запре бунтовниците од попречување на иследниците на местото и ги обвини за лошо третирање на загинатите како и остатоците од авионот, но и за отстранување на докази од местото.
“Што точно тие се обидуваат да скријат?” , рече тој.
Тимови на истражувачи од неколку земји се уште се на местото на настанот