Вечерва во 20 часот во Клубот на новинарите ќе биде одбележан Светскиот ден 20. Јуни.
Предвидено е да се обрати претставникот на УНХЦР Скопје, Мохамад Ариф, кој заедно со претставници на Македонското здружение на млади правници и Здружението на новинарите на Македонија ќе ги доделат наградите на новинарите и фоторепортерите од годинашниот циклус на награди за професионално известување за бегалците.
Ќе бидат изложени сите фотографии примени на конкурсот за фоторепортери, како и цртежи на деца на тема „Што би им подарил/а на децата бегалци?“.
Од Обединетите нации информираа дека до крајот на оваа година рекордни 65,6 милиони луѓе биле принудени да ги напуштат своите домови.
Оваа бројка претставува скок од 300.000 раселени лица од крајот на 2015 година, но е за повеќе од шест милиони поголема од крајот на 2014 година, се наведува во извештајот на УНХЦР.
„Ова е најголемата бројка од кога го бележиме бројот на раселени лица. Ова е неприфатлив број, кој сведочи погласно од кога било за потребата од солидарност и од заедништво во решавање на кризата“, изјави шефот на УНХЦР,Филипо Гранди.