Познатиот актер Чак Норис денеска наполни 73 години, роден е 1940 година, во Рајан, Оклахома, како Карлос Реј Норис. За време на војната во Кореа каде служел во воздухопловните сили, тој почнал да ги проучува боречките вештини. По враќањето во Калифорнија работел како карате инструктор, а негови ученици биле актерот Стив Мек Квин и сопругата на Елвис Присли – Присила.
Шест години ја држел титулата на непобедлив во карате во средна категорија.. Познат е по улогите во серијата „Тексашкиот ренџер Вокер“, “Гнездото на змејот“ со Брус Ли, тој е филантроп и републиканец.
Но, Чак Норис е најпознат по „погледот што убива“ и по вицовите со него во главната улога. Еве неколку:
-Господ сакал да го создаде светот за 10 дена, а Чак Норис му дал само шест.
-Кога Чак Норис прави склекови тој не се крева нагоре туку ја одбива земјата од него.
-Чак Норис може да дели со нула.
-Чак Норис избројал до бесконечност – 2 пати.
-Чак Норис ја изгубил невиноста пред својот татко..
-Чак Норис може да избрише Recycle Bin.
-Чак Норис ја изградил куќата во која што е роден.
-Чак Норис не носи часовник – тој одлучува колку е саат.
-Чак Норис е мртов 10 години, ама смртта се плаши да му каже.
-Се бутале Чак Норис и Супермен на рака. Губитникот морал да носи гаќи преку панталоните до крајот на животот.
-Чак Норис може да гледа филм од 60 минути за 20 минути.
-Чак Норис еднаш ги посетил Девствените Острови. Сега се само Острови.