За да откриете која боја најмногу ви одговара, видете кој ден сте родени затоа што со секој ден во неделата управува одредена планета и секој ден симобилизира по една боја.
Понеделник – Ден на Месечината
Меланхолични сте, романтични и подложни на осцилации на расположението. Претпазливи сте и скептични. Иако посакувате мирен живот, тешко ви поаѓа од рака тоа и да го остварите. Можете да бидете успешни во креативните и уметничките занимања. Иако сакате бела и сина боја би требало често да носите и зелена затоа што ја зголемува вашата упорност.
Вторник – Ден на Марс
Отворени сте, динамични, секогаш активни, поседувате непресушен ентузијазам и борбеност. Посесивни сте а умеете да бидете и осветољубиви. Сигурни сте во себе и своите способности. Сакате црвена боја, но би било добро да носите и користите и портокалова и кафена.
Среда – Ден на Меркур
Посакувате животот да ви личи на некој авантуристички роман полн со изненадувања и непредвидливи случувања. Ве привлекува се што е ново. Имате дарба за бизнис и критички сте настроени. Никогаш не се одмарате, секогаш брзате а здодевноста и неактивноста ве „убиваат“. Сакате жолта, а треба да носите и сина боја која ги смирува вашите чуствителни нерви.
Четврток – Ден на Јупитер
Тешкотиите и проблемите ги надминувате релативно лесно. Великодушни сте, одлучни, стабилини, влевате доверба, делувате безгрижно. Доста сте реални, објективни, не градите кули во воздух. Опкружете се со сина боја која ве смирува и ја истакнува вашата чуствителност, нежност и хуманост.
Петок- Ден на Венера
Се трудите секогаш да делувате расположено иако секогаш не сте такви. Сакате одмор, забава и патувања. Склони сте често да планирате но и да отстапите од своите работи или некои замисли кога веќе нема да ви се допаѓаат. Зелената боја може да ви помогне да воспоставите рамнотежа на телото и духот.
Сабота – Ден на Сатурн
Амбициозни сте, прецизни и методични. Чувствителни сте и имате богат внатрешен живот. Склони сте кон самоиспитување и поседувате истражувачки дух. Не поднесувате користољубиви личности но треба да разберете дека луѓето имаат и маани. Иако сакате бела и црна боја (кои всушност и не се бои), жолтата ве поттикнува на акција и ви го крева расположението.
Недела – Ден на Сонцето
Зрачите со оптимизам и полни сте со ентузијазам. Динамични сте и борбени, работите и живеете надвор од постоечките норми, полни сте со изненадувања. Рафинирани сте, достоинствени, праведни, одлучни. Треба да носите бела боја затоа што таа ве прави почувствителни и посензибилни.