Од Нова Шкотска до Северна Кореја, неколку специфични објекти ќе бидат претставени оваа година кои ветуваат одлична година за архитектонскиот дизајн во 2014. Во оваа листа се претставени извонредни структури, вклучувајќи ја и првата „невидлива“ кула, како и вертикалниот град во небото.
„Манси круг“ во Гуангжу
Италијанската фирма АМ Прогети неодамна го комплетираше овој облакодер, кој е наречен „Крофна“, јужниот град Гуангжу во Кина. Внатрешниот дел е уникатен во градбата, и има дијаметар од речиси 50 метри. Архитектите велат дека сакале да создадат обележје кое ќе му пркоси на западниот стереотип за облакодер, а објектот е инспириран од традицијата на фенг шуи.
„Цитаделата“
Со векови, Холанѓаните преработуваа земјиште од водите на морето за да се изградат становите на ниските терени. Архитектонската фирма „Вотерстудио“ одлучија да ја прегрнат водата наместо да се борат против неа, и го дизајнираа првиот во светот лебдечки комплекс – Цитаделата. Објектот треба да биде завршен во декември, и ќе има 60 луксузни апартмани со големи тераси и паркинг простори.
Културниот центар „Харбин“
Оваа заоблена, органска структура, се наоѓа во североисточниот дел на Кина и опкружена со реки. За разлика од повеќето други центри на култура, таа не е во срцето на градот, туку се стреми да се приклучи на уметноста и природата во интегрирана животната средина.
Зградата „Лиденхол“
Впечатливиот облакодер, наречен „Чизгрејтер“ поради неговата карактеристична форма, е непропустливо обележје во хоризонтот на Лондон. Ова е најнов објект во култура на вонредни згради во Лондон.
Кулата „Шангај“
Заоблените агли на објектот му овозможуваат да се спротивстави на тајфуните кои често го погодуваат Шангај. Заоблената фасада и спиралната форма се исто така наменети да ја симболизираат динамиката на модерна Кина. 632 метри високата структура се планира да се заврши подоцна годинава.
Пазарот во Ротердам
Структурата во облик на тунел во холандскиот град Ротердам е дизајниран како хибрид помеѓу отворен пазар, и станбен објект. Проектот е дел од процесот на регенерација во центарот на градот, кој беше оштетен во бомбардирањето при Втората светска војна.
Кулата „Бесконечност“
Овој револуционерен 450 метри висок облакодер има за цел да стане првата во светот „невидлива“ зграда во Сеул, Јужна Кореја. Планот е да се постигне илузија со помош на „high-tech“ фасаден систем, кој користи серија од камери, за да испратат слики во реално време врз рефлективната површина на зградата.
Кулата ќе има прилагодливо ниво на моќ, давајќи различни нивоа на невидливост.
Централната библиотека Халифакс
Библиотеката во канадскиот град Халифакс, Нова Шкотска, има за цел да стане културен столб во втората најмалата провинција во Канада.
„Скај Сити“
Оваа структура ќе стане највисоката зграда на Земјата со неверојатни 838 метри. Инвеститорот тврди дека кулата може да се изгради во само неколку месеци, наместо неколку години благодарение на префабрикуван дизајн. Оваа вертикална град во Чангша, централна Кина, ќе ја има највисоката урбана густина во светот.
Рајгјонг Хотел
Највисоката градба во Северна Кореја се крева „заканувачки“ 330 метри над Пјонгјанг, а е во изградба повеќе од две децении. Градбата целосно беше прекината по колапсот на Советскиот Сојуз во 1992 година, но продолжи во 2008. Пирамидалната зграда, наречена „Хотел на пропаста“, се планира да се заврши оваа година.