Најмалку 25 лица, меѓу кои и шест деца, загинаа, а 17 други се ранети денеска при воздушен напад врз градот Алепо во северниот дел на Сирија.
Како што соопшти опозицискиот Сириски центар за мониторинг на човековите права, нападот бил извршен во населбата Ханано.
Западните медиуми посочуваат дека авиони на сириските владини сили веќе осум дена ги бомбардираат позициите на бунтовниците во Алепо.
Претходно денеска, најмалку десет лица загинаа кога бомбаш-самоубиец активира автомобил-бомба во близина на едно основно училиште во градот Ум ал Ахмед во сириска провинција Хомс, во кој мнозинството од жителите се шиити. Меѓу убиените има петмина ученици.
Во меѓу време, шефот на Мисијата на Меѓународниот комитет на црвениот крст во Сирија, Магне Барт соопшти дека од почетокот на конфликтот во оваа земја во март 2011 година, па досега, биле ранети најмалку 500.000 лица.
Барт апелираше до сириската Влада и до бунтовниците да не ја блокираат меѓунардоната хуманитана помош и да дозволат таа да им биде доставена на цивилите на кои им е потребна.