Вооружен напад вечерва се случил во Истанбул. Според првиот биланс најмалку 35 лица загинале, изјави гувернерот на градот Васип Сахин. Според него, станува збор за терористички напад. Најмалку 40 лица се ранети. Некои од присутните во дискотеката се нурнале во Босфор за да им избегаат на напаѓачите.
Нападот се случил во една дискотека во Истанбул во квартот Ортаку за време на новогодишната прослава. Според Си-Ен-Ен на турски јазик, вооружени лица влегле во дискотеката Реијна, една од најпопуларните во овој турски град. Напаѓачите биле облечени во костуми на Дедо Мраз и почнале да пукаат.
Еден од напаѓачите се уште се наоѓа во дискотеката, јавува Ројтерс. Амбулантни и полициски коли се наоѓаат пред објектот во обид да им помогнат на ранетите лица. Според некои извори, во објектот има повеќе стотици ранети лица.
Истамбул е одамна во фаза на тревога поради терористичките напади. За таа цел околу 17.000 полицајци се распоредени низ Истанбул.