1. Кога членките на перформанс групата / самопрогласениот феминистички панк бенд Pussy Riot играа на нивната анти-Путин химна во олтарот на црквата во Москва, знаеја дека ќе бидат осудени од про конзервативните слоеви во Русија, сепак се побунија против инцестуозната врска меѓу црковата и државата. Осудени се на две години затвор. Милиони луѓе потпишаа петиција за нивно ослободување, десетици славни уметници се заложија за нив. За малку ќе предизвикаа револуција, алармирајќи го светот за тоа што се случува во руското општество.
2. Позната е суровоста на Дејмијан Херст, но неговата ретроспективна изложба во музејот „Тејт“во Лондон „In and Out of Love“, особено фактот што жртвуваше вкупно 9000 пеперутки за своето уметничко дело, му донесе тужба од Кралското друштво за заштита на правата на животните и ги покрена прашањата за милитантниот активизам наспроти уметничката слобода и дали најмоќниот светски уметник намерно провоцираше или е само опиен од моќта, дали пеперутките имаат свои права?
3. Сред бел ден, во музејот Тејт полн со посетители, Владимир Умањец пријде до сликата на Ротко, вредна милиони долари и ја ишкрта предизвикувајќи штета од околу 300 000 долари. Тој тврдеше дека ја претворил во дело на „жолтовизмот“. Осуден е на две години затвор, но светот продолжи да дискутира – што, по ѓаволите, е жолтовизам? Неговите следбеници – „жолтовистите“ тврдат дека не се ниту вандали, ниту уметници, туку како Дишан земаат предмети и објекти од релноста или од уметноста и им даваат нов контекст. Дали е ова само бизарно и забавно или сериозно криминално дело против „светоста“ на уметнста?
4. Фотографијата на која шведската министерка за култура Lena Adelsohn Liljeroth, сече парче од тортата во облик на црна жена и тоа парче од вагината потоа ја става во устата на фигурата, предизвика светска медиумска ерупција. Паралелно со фигурата, на изложбата се слушале и ужасни крици на болка на авторката кои се зголемувале како публиката сечела парчиња од фигурата. Уметницата Makode Al Linde во интервју за Ал Џезеира, објасни дека нејзините 700 скулптури на црномурести жени се коментар за суспендирањето на различноста во западната култура. Со претставата на обрежувањето и осакатувањето на гениталиите кај жените таа сакала да постигне агресивно прекинување на церемонијата на привилегираните. Вознемирувачките фотографии на нејзините дела кои се проширија на интернет се уште предизвикуваат вознемиреност кај гледачите, постигнувајќи ја својата цел.
5. Во Бостон осмамна огромен мурал на познатото бразилско дуо на графити уметници Os Gêmeos, кој претставуваше забрадена жена. Телевизијата Фокс правејќи анкета со граѓани на улиците во близина на муралот, дошла до заклучок дека се работи за слика што го претставува тероризмот. Градските власти одговориле дека имале само една жалба за муралот и дека на мнозинството граѓани им се допаѓа ова уметничко дело.
6. Сликата на Jon McNaughton, уметник ниту многу познат, ниту многу признат, која е насловена „Една нација под социјализам“ (One Nation Under Socialism) е контроверзна затоа што го претставува претседателот Обама како го пали Уставот на САД, затоа што асоцира на расизам и затоа што е продадена во Сотби за цели 300 000 долари.
7. Кога францускиот уличен уметник Роти со слободна рака наслика чудесен, надреален, комплексен цртеж во вид на крокодил долг 73 метри, тоа стна еден од најубавите улични мурали во Атланта, САД. Но, набрзо Одделот за транспорт на државата Џорџија го забрани цртежот. Случајот покрена значајни прашања за тоа кој е сопственик на јавниот простор, дозволите, забраните и социјалните политики.
8. Уметникот Марк Адел постави фотографии на провокативно разголени хомосексуални мажи во просторот на меморијалниот музеј на Евреите во Германија. Тој искористил 100 фотографии од интернет страниците за љубовни состаноци. Неговото дело „Колумни“ ги постави прашањата за јавното наспроти приватното, истриските објекти наспроти дигиталните медиуми. Изложбата беше поставена и во Еврејскиот муеј во Њујорк и предизвика контроверзи и внимание кај медиумите. Поставката не беше цензуррана, но беше повлечена а уметникот се соочува со судска тужба.
9. Делото на Андрес Серано „Piss Christ“ е уште едно во низата на радикално контроверзни дела за христијанството. Ова го прикажува распетието ставено во шише исполенто со урината на уметникот.
10. 80- годишната старица од Шпанија Сесилија Хименес, го насмеа и шокира светот со својата „талентираност“ за сликање. Оваа баба со цел да ја реставрира црковната фреска на уметникот Елијас Гарсија Хомо „Ecce homo” стара 100 години, која била во фаза на распаѓање ги зела четката и боите и направила ново „уметничко дело“.
„Забележавме дека се се распаѓа и го поправивме тоа“, изјавила Сесилија. Таа тврдеше дека свештеникот од црквата и дозволил да ја „реставрира“ фреската.