Вукашин Црнчевиќ (19), кој беше тешко повреден во несреќа од пад на настрешница на Железничката станица во Нови Сад, починал на Воено-медицинската академија во Белград, потврдија од здравствената установа.
„Пациентот В.Ц. (роден 2006 година), кој беше тешко повреден при уривање на настрешница во Нови Сад и кој по лекувањето во Клиничкиот центар во Војводина, беше примен на Воено-медицинската академија на 29 јануари 2025 година, почина на 21 март 2025 година, и покрај сите мерки кои беа преземени во оваа воена медицинска установа, соопшти ВМА, изразувајќи длабоко сочувство до семејството на починатиот млад човек.
Црнчевиќ е 16-та жртва во несреќата што се случи на 1 ноември 2024 година.
Пред економското училиште „Светозар Милетиќ“ во Нови Сад, каде што учеше младиот, на половина копје беше истакнато црно знаме, како и пораки од учениците. Граѓаните палат свеќи и носат цвеќе.
Во Нови Сад 16 минути беа блокирани раскрсниците низ градот.
16-минутен молк беше одржан и на Плоштадот на Републиката во Белград.
Падот на настрешницата на Железничката станица во Нови Сад се случи на 1 ноември, загинаа 15 лица, а двајца беа тешко повредени.