Талат Џафери се изнервирал од однесувањето на пратеникот Мухамед Зеќири и затоа ја прекинал седницата за гласање за одземање на имунитет на Трајко Вељаноски кој е осомничен како организатор на настаните во 27 април.
Џафери на денешната прес конференција кажа дека Зеќири дофрлал од место да се гласа за точката по дневниот ред.
Собранието имаше рок до полноќ да гласа и да му го одземе имунитетот на Велјановски, а ситуацијата за која зборува Џафери се случуваше во 23 часот и 58 минути.
Џафери претходно на 15 минути пред полноќ, даде и пауза по барање на пратеничката група на ВМРО ДПМНЕ, и кога седницата продолжи, наместо да го стави предлогот на гласање, Џафери најпрво се објаснуваше со Никола Мицевски координатор на пратеничката група на ВМРО ДПМНЕ, а потоа неочекувано ја прекина седницата.
Спикерот се обиде своето однесување да го објасни и со резултатот на Комисијата за деловнички мандатно имунитетни прашања, каде четворица пратеници на СДСМ гласаа „за“, а четворица пратеници на ВМРО ДПМНЕ гласаа против. Но ваквиот резултат – реми во гласањето, беше исто така поради ДУИ, односно пратеникот Агим Шаќири, кој е член на комисијата и кому му се слошило пред да се гласа на Комисијата.
Шаќири вчера беше присутен на собраниската седница.
Освен на пратеникот Трајко Вељаноски, Собранието не му го одезеде имунитетот ниту на пратеникот Љупчо Димовски, за кого исто така се бара притвор во случај за злупотреба на службената положба како министер за земјоделство. За Димовски, Комисијата за мандатно – имунитетни прашања гласаше со 5 гласови за да му се одземе имунитетот, но за точката не се гласаше на седница.
Џафери денеска за овој случај рече дека „немало кворум“ им дал шанса на владеачкото мнозинство пратениците да си ги соберат пратениците, но тие не го сториле тоа.
На прашање дали Џафери има мнозинство и натаму да биде претседател на Собранието, откако СДСМ кажа дека нема да учествува во работата на Парламентот, Џафери одговори дека тој ќе свика седница и тогаш ќе се види дали има мнозинство.
Претседателот на Комисијата за мадатно имунитетни прашања и пратеник Павле Богоевски денеска преку Фејсбук го обвини претседателот на Собранието Талат Џафери дека го злоупотребил Парламентот за да го заштити организаторот на 27 април, а генералниот секретар на СДСМ Александар Кирацоски и коориднаторот на пратеничката група на СДСМ Јован Митрески побараа Џафери да го објасни причините за ненадејниот прекин на седницата кога имало кворум.
Лидерот на Алијанса за Албанците Зијадин Села денеска обвини она што се случи на вчерашната седница за одземање на имунитетот на Трајко Вељаноски е „театар во режија на ДУИ“.