Британскиот премиер Борис Џонсон денеска ги отфрли повиците до Велика Британија да се олеснат барањата за визи за украинските бегалци, кои бегаат од конфликтот, изјавувајќи дека Велика Британија е дарежлива земја, но мора да има проверки кој влегува во земјата.
-Ние сме многу, многу дарежлива земја. Но, она што го сакаме е контрола и сакаме да можеме да провериме кој влегува, им кажа тој на новинарите. „Мислам дека е разумно, со оглед на тоа што се случува во Украина, да имаме основна можност да провериме кој влегува во земјата“.
„Тоа што сигурно нема да го имаме е систем во кој луѓето ќе можат да доаѓаат во Обединетото кралство без никакви проверки и контроли. Мислам дека тоа не е вистинскиот пристап, но тоа што ќе го имаме е став кој е многу, многу дарежлив“.
-Како што ситуацијата во Украина се влошува, луѓето ќе сакаат да видат како оваа земја ги отвора рацете за луѓето кои бегаат од прогон, од воената зона, рече британскиот премиер.