НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Џослин Пук: Кјубрик не ми го даде сценариото за „Очи широко затворени“, компонирав музика според опис на сцената со ритуалот

0
By Ана Василевска on September 18, 2021 КУЛТУРА, ПОЛИТИКА
СПОДЕЛИ
Facebook Twitter LinkedIn Email

Пред кариерата како композиторка на филмска музика во 80-тите години Пук членувала во поп-бендови: листата меѓу останатите ја сочинуваат „ABC“, „Meat Loaf“ и „The Communards“, а била и сешн-музичар на проектите на ѕвездите Питер Габриел, Ник Кејв, Пол Макартни, Марк Нопфлер, Лори Андерсон, „Massive Attack“…

Светот на филмот слушна повеќе за Џослин Пук и нејзината музика откако легендарниот режисер Стенли Кјубрик ја ангажирал да напише музика за неговиот последен филм „Очи широко затворени“ („Eyes Wide Shut“) во 1999. Новиот милениум и донел нови предизвици и успеси: авторството на музиката на „Венецијанскиот трговец“ на Мајкл Редфорд и „Бандите на Њујорк“ на Мартин Скорсезе сигурно е најмаркантно меѓу триесеттината играни филмски, телевизиски и документарни наслови.

Џослин Пук (Jocelyn Pook) од Лондон, музичарка и композиторка на музика за филм, ТВ, современ танц, денеска оддржа мастерклас на годинешното 42-ро издание на ИФФК „Браќа Манаки“ и раскажа за искуствата во компонирање и соработката со режисерите.

За музиката во култната сцена со ритуалот во последниот филм на Кјубрик „Очи широко затворени“, раскажа дека ја создала без да го знае сценариото.

„Иако не сакам да компонирам без да видам скици од филмот, Кјубрик инсистираше да ја напишам музиката за конкретната сцена со ритуалот без да ми каже ништо за сценариото. Имав само конкретен опис дека ќе има ликови со маски што ќе одржат некаков ритуал“, раскажа Пук.

Модераторот Малканџи потсети дека Кјубрик посветувал огромно внимание на сите сегменти од филмската продукција, не само режијата, туку и камерата, звукот… На Пук и било посочено дека проектот се реализира во најголема тајност, но на нејзино упорно инсистирање сепак добила прилика да ги види останатите сцени за кои требало да компонира музика.

Модератор на мастеркласот со Џослин Пук беше Грег Малканџи (Greg Мalkangi), sound designer од Англија кој веќе неколку години живее и работи во Скопје, и кој ги водеше присутните на разговорот низ разни фази од нејзиниот креативен развој како музичарка и композиторка.

Биографијата на Џослин Пук содржи низа „егзотични“ делови од нејзината рана фаза во музиката. Таа на почетокот на мастеркласот посочи дека 80-те години на минатиот век за неа биле прилика за поинакво едукативно надградување, освен класичното академско образование.

Нејзините почетоци се врзани и со уличното музицирање како „баскер“ (уличен забавувач) со нејзиниот квартет: познатиот музичар Пол Велер ја чул во една прилика и ја ангажирал. Пред кариерата како композиторка на филмска музика во 80-тите години Пук членувала во поп-бендови: листата меѓу останатите ја сочинуваат „ABC“, „Meat Loaf“ и „The Communards“, а била и сешн-музичар на проектите на ѕвездите Питер Габриел, Ник Кејв, Пол Макартни, Марк Нопфлер, Лори Андерсон, „Massive Attack“… Македонските гледачи и слушатели сигурно ќе ги радува податокот дека пејачката Тања Царовска е нејзина долгогодишна соработничка во разни проекти, и секако дека не ја пропушти приликата да присуствува на мастеркласот на Џослин Пук.

Пук во раната фаза на нејзината кариера имала прилика да компонира музика за дузина театарски претстави на лондонските сцени. Посериозниот пробив со филмската музика во нејзината кариера се случил во сплет на среќни околности. Членови од продукцијата на „Очи широко затворени“ слушнале неколку нејзини снимени композиции, а потоа била ангажирана од Кјубрик да ја компонира музиката за неговиот филм.

Малканџи потсети дека филмските режисери имаат различен пристап кон музиката во нивните дела. Квентин Тарантино, на пример, избирал песните како музичка илустрација уште пред да започне со снимањето на филмот.

-За разлика од таквиот пристап, композиторите на филмска музика  креираат лајт-мотив за карактерите во приказната, вели Пук.

Во разговорот се вклучи и пејачката Тања Царовска, која и заблагодари на Џослин Пук за поддршката која ја добила на почетокот на нејзината интернационална кариера. Пук и Царовска изразија заедничка надеж дека во наредниот период ќе ја реализираат нивната замисла за голем концерт под отворено небо.

 Џослин Пук во натамошниот тек на мастеркласот говореше за разните креативни предизвици и искуства во различните проекти, од разни жанрови и стилови, во кои учествувала изминативе децении.

Ана Василевска

Браќа Манаки музика филм
Share. Facebook Twitter LinkedIn Email
ТИКЕР

Потврдена е првостепената пресуда против претседателот на Република Српска

August 1, 2025

Германија ќе испорача два системи „Патриот“ на Украина како дел од договорот со САД

August 1, 2025

Протест во Шабац против рудникот за литиум

August 1, 2025

Екс премиерот на Хрватска Санадер пуштен на условна слобода

July 31, 2025

Иран: САД мора да ни ја надомести штетата пред новите преговори

July 31, 2025
ФОКУС

Честитки од државниот за Илинден

ВЕСТИ August 2, 2025

Претседателката Гордана Сиљановска-Давкова по повод 2 Август, Илинден – Денот на Републиката, упати честитка до…

Одбележување на Илинден во Крушево, Пелинце и Скопје

August 2, 2025

Кијив: Ден на жалост по смртоносниот напад во кој загинаа најмалку 28 лица

August 1, 2025

Трамп ја намали царината за Македонија на 15 %

August 1, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.