Државната изборна комисија (ДИК) спроведе жрепка за распределба на локациите на рекламните паноа и билборди за политичко рекламирање од страна на правните лица кои стопанисуваат со нив за локалните избори.
Распределбата на локациите на рекламните паноа и билборди се делеше во четири категории: 40 отсто за партиите на власт, 40 отсто за партиите во опозиција во Собрание, 10 отсто за парламентарните партии кои немаат пратеничка група и 10 отсто за вонпарламентарните партии.
Независните кандидати, односно кандидатите предложени од група пратеници можат да се рекламираат на рекламните билборди и паноа кои бесплатно ги огласуваат општините.
Партијата која нема да го искористи вкупниот добиен процент за реклама е должна во рок од 48 часа да ја извести ДИК за просторот да се понуди на другите партии.
Државната изборна комисија денеска исто така одржа седница на која донесе одлука за објавување на описите на избирачките места, а го усвои и извештајот за за Избирачкиот список по завршениот јавен увид.